10.9.09

Contra la explotación, contra la prostitución


Os dejo un artículo que escribía ayer en Público Lidia Falcón, Presidenta del Partido Feminista de España y abogada, relativo a la prostitución y titulado "Abolir la esclavitud". Comparto totalmente esta visión, y me gustaría que, de una vez por todas, se abordase en España este debate.

La prostitución es la más grave agresión que puede sufrir una persona, porque se trata de involucrar todo el ser, pervirtiendo su sexualidad, que es la pulsión más profunda y placentera del ser humano. Como ha declarado ya la ONU, de ningún modo puede considerarse un trabajo, porque carece de la dignidad y las condiciones que se requieren para ser considerada como tal, según denuncian las asociaciones internacionales contra la explotación sexual de las mujeres.

Es imprescindible que en España, en el siglo XXI, se proceda a abolir definitivamente esta esclavitud; hace 72 años ya lo hizo la primera ministra de Sanidad Federica Montseny. La prostitución persiste para beneficio de las mafias, constituye el negocio internacional más importante del mundo después del tráfico de drogas. Argüir hipócritamente que las mujeres pueden ser libres de contratar sus servicios sexuales es encubrir la realidad social en la que los proxenetas controlan absolutamente los lugares del tráfico sexual. Pretender prohibir la prostitución callejera a cambio de internar a las mujeres en edificios cerrados será el gran triunfo de la mafia, porque significa entregarlas a los chulos y a merced de los caprichos y crueldades de los clientes. Detrás de las puertas cerradas de los prostíbulos nadie sabrá qué les está sucediendo.

Hay que plantearse que no solamente son los argumentos exclusivamente economicistas los que han de prevalecer para abolir la prostitución, porque es preciso hablar de una vez de dignidad humana y de respeto a las mujeres. La prostitución es la expresión más aguda del sistema patriarcal, ya que consiste en la utilización del cuerpo de las mujeres para la satisfacción sexual de los hombres, entendiendo, por supuesto, que a esos servicios están destinadas unas clases de mujeres que no son las familiares de los ciudadanos decentes. En ninguna sociedad se supone que una expectativa laboral aceptada sea la de prostituir a las hijas. Legalizar la prostitución será aumentar la violencia contra las mujeres y retroceder en la consecución de una sociedad donde impere la igualdad.

6.9.09

Guillermo Fernández Vara




Eu tamén qeuro un Presidente así, como Guillermo Fernández Vara, Presidente de Extremadura.

Presidente, pero sobre todo persoa.

6.7.09

Da maledicencia

Como moitos sabedes, durante catro anos presidín o Consello da Xuventude de Galicia. Seguramente tamén teñades escoitado nos últimos tempos versións interesadas sobre o que sucedeu na última asamblea desta entidade, o pasado 28 de marzo. Ata o momento non me pronunciei nunca sobre o tema, pois creo noutra maneira de facer política que non é a de entrar a desmentir inxurias e calumnias. Non entrei sobre todo porque creo nesta entidade, porque traballei a reo durante 4 anos porque fose coñecida máis alá das loitas "políticas" que moitas veces se dan no seu seo, e porque creo que se estaba conseguindo. Pero ata aquí cheguei. E hoxe quero facer bastantes puntualizacións.

1. Din as NNXX do PP que pretendemos perpetuar unha estirpe familiar no CXG porque Azucena Rodríguez, miña irmá, se presentou a Presidenta deste organismo no momento en que eu deixaba a Presidencia.

Ben, non sei onde está escrito que unha persoa teña menos capacidade por ser parente doutra (recordo máis ben as palabras de Manuel Fraga dicindo que os fillos dos dirixentes do PP estaban máis capacitados para acceder a determinados cargos). Azucena non ten nada que demostrar, mal que lle pese a algúns, porque hai está o seu curriculum asociativo. Responsable de IESGA a nivel galego, membro das Xuntas de Escola, da Xunta de Goberno e de diversas comisións na UDC (a onde se accede porque te voten os teus compañeiros, non por ser familiar de ninguén), cunha ampla experiencia no asociacionismo internacional e no de tempo libre, no ámbito da educación formal e non formal... en fin, que experiencia non lle falta.

Pero é que me sorprende especialmente que os do PP a critiquen por ser miña irmá cando nos dous últimos anos compartiron con ela o Comité Permanente do Consello da Xuventude. E non só iso, senón que tamén a votaron para o cargo que desempeñou ata o momento, que era o de Secretaria Xeral do CXG a proposta da asociación IESGA. Por qué entón agora tanto rebumbio? Por qué critican agora o que valía hai 2 anos?

E digo eu, que pensarán da "estirpe familiar" dos Baltar, por exemplo? Ou de Alfonso Rueda, fillo dun ex senador do PP?

2. Cando dende NNXX se ten que aludir a relacións persoais e sentimentais para criticar a elección dunha Permanente do CXG é que moitos argumentos non hai. Non sei si a María Seoane, que tanto alude á miña relación con Jose Manuel Lage, saír cun concelleiro santiagués lle impide tomar as as súas propias decisións. Debe ser que "pensa o ladrón que todos son da súa condición". Eu penso por min mesma dende hai tempo, igual eso é o que non gusta moito. E afortunadamente sei diferenciar o ámbito político do persoal, cousa que a responsable de NNXX parece que lle custa traballo.

3. José Manuel Lage acudíu en calidade de invitado á asamblea do CXG, como ex presidente que é da entidade, como xa tiña feito en anteriores ocasións sen que a NNXX lle supuxese ningún problema. Paréceme moi grave que alguén o acuse de terlle ameazado ou empuxado porque non é certo. E paréceme máis grave aínda lanzar esas acusacións gratuítamente, sen proba de ningún tipo. Dende logo, da mostra da catadura moral do personaxe que as lanza.
Decir, ademáis, que manipulou a asamblea é considerar que a maioría absoluta das asociacións do CXG, alí representada, non teñen criterio propio. E iso tamén é moi grave.

4. A situación de interinidade do CXG dende logo que non é responsabilidade miña. Se algúns se molestasen en ler a lei do CXG verían que non é decisión do Conselleiro de Presidencia nomear ou non á Presidenta do CXG, senón que é un acto debido que debería ter realizado xa hai algún tempo. Será, logo, en todo caso, responsabilidade de quen, incumplindo a Lei do CXG, non realiza o nomeamento.

5. Entendo que o Sr. Rueda esté preocupado polo "Caso Rueda" destapado polo Partido Socialista, e que leva Lage Tuñas como portavoz da área institucional do Partido Socialista. Como non atopa alfombras que levantar utiliza, a través das NNXX, a mentira e a calumnia para desprestixiar a un deputado que só fai o seu traballo. O único que lle digo é que "Quen teña o tellado de vidro non tire coa pedra ó do veciño".

A Lage só dicirlle que siga traballando como ata o de agora, porque como di o refrán "cando os corvos berran, señal de que chove"

14.6.09

Bilingüismo, caramba!

24.5.09

Grande, Messi

21.4.09

XIII Congreso das Xuventudes Socialistas de Galicia: Decidimos


Xuventudes Socialistas de Galicia celebra o seu XIII Congreso Nacional das XSG os días 9 e 10 de maio no concello de Fene.

Un congreso non é só unha actividade orgánica, é o momento de tomar partido, de dicirlle á sociedade e ós mozos e mozas galegos quen somos, que queremos, cara onde imos.

Cando dicimos que DECIDIMOS queremos dicir que contamos, que opinamos, que escoitamos.

DECIDIMOS movernos.

DECIDIMOS opinar, contar.

DECIDIMOS decidir.

DECIDIMOS participar.

DECIDIMOS loitar por unha Galicia de todos/as e para todos/as.

E tí, que decides?

1.4.09

Dúas persoas especiais no Parlamento de Galicia

Hoxe tivo lugar a constitución do novo Parlamento de Galicia. Para min foi un día especial porque hoxe tomaron posesión como parlamentarios dúas das persoas máis importantes da miña vida: Lage e Silvia.



Lage, non só porque sexa a miña parella, senón porque é amigo meu dende fai máis de 10 anos, dende que nos conocimos un día de camiño a Sarria nun 127... Porque ten unha mente privilexiada, porque cree e vive a política, porque é socialista de cabeza e corazón, porque, por riba de todo é amigo dos seus amigos, porque sempre está aí cando o necesitas, porque cree que outro mundo é posible, porque traballa a reo para que a utopía deixe der un soño...por tantas cousas...



E Silvia, porque é miña amiga, tamén dende hai moitos anos, dende que xuntas compartimos momentos difíciles que nos fixeron medrar como persoas, que fortaleceron a nosa amizade...porque levamos tempo compartindo proxecto político e proxecto de país, porque vai aportar unha visión diferente á política galega, porque o merece, porque vive a política como poucos, porque leva o socialismo nas veas, porque sei que aproveitará  a oportunidade de loitar por aquelo que tantas veces soñamos, ata polos cotilleos que nos caracterizan...  tamén por tantas cousas...


Por tantas cousas estou tan orgullosa deles, porque aprendemos xuntos, porque son presente e serán futuro, porque son, e serán sempre, XSG en estado puro, porque os quero, sobre todo porque os quero...

29.3.09

Que quede claro


Hoxe entrevistaban a Pere Navarro, Director Xeral da DGT no diario El País.

Déixovos a pregunta do periodista e a resposta de Navarro. Paréceme que é axeitado darlle difusión a esto, porque diariamente somos os mozos e mozas portadas nos medios de comunicación con motivo dos accidentes de tráfico.

Era hora de que a estatística puxese as cousas no seu sitio. Desgraciadamente, non será portada de ningún medio.


Mójese: ¿hay �terroristas� de la carretera? ¿Niñatos descerebrados que conducen como locos?

Entre 23 millones de conductores, hay de todo. Gracias a Dios, éstos son la excepción. Pero me llama la atención el riesgo de criminalizar a los jóvenes. Según nuestros informes sobre el alcohol y la conducción, el núcleo duro de quienes beben y conducen no son ellos. Son los adultos de entre 45 y 55 años. Son tíos tomándose una mariscada con su vino bueno y su copazo mientras dicen: hay que ver estos jóvenes que cogen el coche después de la discoteca, qué irresponsables que son. Ése es el retrato de este país. Pero todo cambia.

12.3.09

Sumando ideas

súmate en sumando ideas

Os socialistas galegos debemos facer unha profunda reflexión sobre a mensaxe que a cidadanía de Galicia nos transmitiu o pasado 1-M, e ao tempo dar un paso adiante.

Facelo esíxenos lembrar e defender os avances acadados nestes catro anos, pero tamén recoñecer e emendar os erros cometidos na nosa acción política.

Non debemos esquecer que máis de medio millón de galegas e galegos depositaron a súa confianza no proxecto dos socialistas de Galicia. Merecen atopar en nós un novo camiño e unha proposta maioritaria, de presente e de futuro, que canalice as inquedanzas dunha parte moi importante da sociedade galega.

Esta confianza tamén nos esixe un esforzo encamiñado a consolidar e aumentar o apoio recibido, a ensanchar e converter ao PSdeG-PSOE nun partido maioritario, forte e con grande presenza na sociedade galega, representativo da maioría social do noso país.

Para isto necesitamos facer unha serena pero profunda renovación das estruturas organizativas e do modelo de partido, co obxecto de facer posible a extensión e penetración do PSdeG no conxunto do territorio e nas redes sociais e económicas de Galicia, estando presente en tódolos ámbitos da sociedade galega e potenciando o papel dos/as militantes socialistas, da súa participación interna e externa, como verdadeiros activos do noso proxecto político. O PSdeG ten que ser un bo reflexo da maioría social deste país.

Como primeiro paso aspiramos a fomentar un debate de ideas e propostas de cara ó Congreso Extraordinario do 25 de Abril, onde teñan cabida a autocrítica e a discrepancia, pero afastándonos de actitudes cainitas e sen permitir que a dereita marque os nosos debates e a nosa axenda política.

Queremos facer do PSdeG un partido forte, sen complexos, asentado nos valores do socialismo democrático cun proxecto autónomo. Ser a referencia galega da esquerda, alí onde se ubican milleiros de cidadás e cidadáns do noso país que cren na liberdade, na igualdade, na solidariedade e na xustiza social.

A través deste manifesto pretendemos promover o debate e o contraste de alternativas. Facemos un chamamento á participación colectiva de toda a militancia e da cidadanía para fortalecer un proxecto socialista que se asente na defensa coherente e decidida dos principios e os valores progresistas que vertebran o conxunto das democracias avanzadas.

Para nós falar do socialismo galego equivale a defender unha sociedade cunha universal igualdade de oportunidades, independentemente das nosas diferentes orixes sociais; plena liberdade para exercelas, suprimindo todas as barreiras que as impiden ou dificultan; e coa férrea xenerosidade e solidariedade de todo o País cando a oportunidade deriva en dificultade.

O socialismo e o galeguismo son e seguirán sendo referencias ideolóxicas esenciais do PSdeG e das que deben partir as políticas e propostas da nosa acción política.

A defensa dos servizos públicos ten que ser unha prioridade, facendo posible unha sanidade pública que compatibilice a atención sanitaria de calidade cos dereitos de atención ao paciente e apostando por unha educación pública de calidade, nun país no que o ensino sirva para acadar unha sociedade libre, crítica, con sólidos valores democráticos e altas oportunidades de progreso.

Falamos dunha educación pública na que as bolsas favorezan a igualdade de oportunidades e na que o relevante non sexan a vestimenta que leven as nenas e os nenos no centro escolar, senón a calidade da educación que reciben.

Unha Galicia políglota, na que se eduque aos nosos fillos/as en galego e castelán, garantindo o coñecemento e correcto uso de ambas linguas ó rematar o ensino obrigatorio e aberta á incorporación de terceiras linguas. Un País sen divisións entre iguais nin imposicións e onde a nosa cultura sexa unha importante oportunidade de proxección exterior.

Queremos unha sociedade cunha envexable calidade democrática, con regras de xogo claramente definidas na relación dos responsables políticos cos poderes económicos e na regulación  transparente das axudas públicas ó mercado da información e da comunicación, onde a reforma dos medios públicos de comunicación sexa unha prioridade política e social.

Conseguilo require dun partido mellor conectado coa sociedade: capaz de incorporar as voces e as vontades progresistas presentes na sociedade civil, e onde a militancia, o maior activo do noso proxecto político, asuma maior protagonismo e impulse o partido co seu traballo, a súa capacidade e a súa ilusión.

Pola gran responsabilidade que o tempo nos depara, para cumprir coas expectativas postas na labor de oposición e para sermos alternativa crible de goberno, necesitamos de experiencia e renovación. Temos que asumir como propias as novas realidades sociais, sumar a achega da valiosa experiencia institucional que o noso partido atesoura e facer efectiva a incorporación das xeracións máis novas.

É a hora de ofrecerlle á sociedade galega un proxecto socialista maioritario e renovado, un proxecto ilusionante, que marque novas metas para transformar a fondo Galicia. É a hora de traballar todos xuntos, unidos, sumando ideas para o socialismo galego!

Que comece o debate!

Galicia, 11 de marzo de 2009


10.3.09

Socialista sempre

Foto: Os Soños Rotos, das XSG

Levo varios días intentando escribir sobre a derrota. Pero non se deixa. É complicado escribir sobre as decepcións.

Doeume. Por moitos motivos. Pero sobre todo polas persoas. Porque defraudamos a ilusión de tantas e tantas que levaban anos esperando en Galicia un goberno socialista.

Doeume. Polos militantes. Porque son eles os que poñen a cara tódolos días pola igualdade, a liberdade, a xustiza...e porque a seguirán poñendo agora, nos momentos difíciles.

Dóeme. Porque lle quero a este país. Porque creo na democracia, cando gañamos e cando perdemos. Porque confío nos galegos. E si eles nos deron a espalda foi porque nos equivocamos.

E agora tócanos analizar os erros. E non cometelos de novo.

O Partido Socialista ten 130 anos de historia. De loita polos dereitos dos que menos teñen. De ilusión, e tamén de bagoas. De compañeiros e compañeiras que deixaron a súa vida para que hoxe teñamos a palabra.

Por iso nin un paso atrás. Seguiremos adiante, con ilusión, con traballo, con ideas, con alternativas. Con socialismo.

Porque como di Alfonso Guerra, "non haberá igualdade mentras siga habendo alguén o suficientemente poderoso como para que alguén se arrodille ante él, e ninguén tan desvalido como para ter que arrodillarse". Por eso o compromiso. Por eso o socialismo.

27.2.09

Patxi Lehendakari




Descubrín emocionada este vídeo...

Por mor da campaña das galegas non lle dediquei moito tempo ás eleccións en Euskadi. Seguinas sobre todo a través do Facebook e do blog de Patxi. No que puiden apreciar foi unha campaña diferente a de Patxi, fresca, xoven, espontánea...

Como espontáneo é este video, durante un encontro de Patxi López coas Juventudes Socialistas de Euskadi arrancouse a cantar "Soldadito marinero"...

Só podo dicir...."ari, ari, ari...Patxi Lehendakari". Meréceo máis que ninguén. E os vascos e vascas merecen a alguén como él.

24.2.09

Lage bloggeiro




O noso compañeiro Lage, pioneiro no mundo blogger, fálanos da súa experiencia na rede.

Podedes ver máis na campaña móvil de Olalla Sánchez na Voz de Galicia.

19.2.09

Cobardía política


É síntoma de democracia consolidada que os cidadáns teñan a ocasión de ver un debate entre os partidos máis representativos que se presentan ás eleccións. Contrapoñer ideas, traballo político, compromisos de futuro...

Desgraciadamente, en Galicia, unha vez máis, non vai haber debate. E todo pola cobardía de Núñez Feijoo.

O PP gobernou en Galicia 16 anos, anos durante os cales o seu candidato, Manuel Fraga, se negou sistemáticamente a debater coa oposición. O mesmo fixo Aznar en España.

Chegou Zapatero á Moncloa e volveu a haber debates. Chegou Touriño a Galicia e hai un ano, con ocasión das eleccións xerais, e a pesar de que él non era candidato, houbo un debate a tres.

Eleccións autonómicas. A televisión pública invita a un debate ós tres candidatos dos partidos con representación parlamentaria. E Feijoo dice NON.

Non dou crédito. É a oposición a que se nega a debatir!!!!Con excusas de mal pagador.

E digo eu, podería explicar o Sr. Feijoo porque hai uns días puidemos asistir a un debate entre forzas políticas no que participou o Sr. Rueda, Ricardo Varela e Suárez Canal? Considérase él máis que Alfonso Rueda para que éste vaia a un debate a tres e él non? 

Terá que explicar a diferencia. Igual que terá que explicar porque nas eleccións xerais debate sí e agora debate non.

Igual é que lle temblan as pernas...

17.2.09

Queres que volvan?



Que non volvan.

Que non volva a política do medo

Que non volvan os caciques

Que non volva a política de favores, que non volvan os chanchullos

Que non volva o chapapote

Que non volva a escuridade

Que non volva a indignidade

Que non volvan.

VOTA PSdeG-PSOE

15.2.09

No mitin de ZP




Déixovos un vídeo do mitin de Zapatero e Touriño hoxe na Coruña. Por si non vos dades conta, a que está animando a grada con tanto entusiasmo é Tamara. Menuda rexedora non temos!

9.2.09

Va a ser que no


José Luis Rodríguez Zapatero:


"A quienes piden un despido más fácil y más barato les digo: ¡qué no, qué no!".


Que quede claro.

4.2.09

O profe


Seguro que case todos recordamos con especial cariño algo da escola ou do instituto, algunha anécdota, algún amigo...Eu recordo con especial cariño ó profe.

"Don Valentín" (para min sempre será Don Valentín) foi o meu profe en 3º, 4º e 5º de EXB no Colexio Público Sagrado Corazón, en Lugo.

Aínda teño nalgures unhas fotos que nos fixo un día sentados á súa mesa. Levaba eu un xersei vermello con debuxos. E menudos pelos non teño na foto...

Aprendemos con él moitas cousas. Recordo sentados nunha silla, ó redor da súa mesa, dando os ríos...o Miño, o Teixo, o Guadiana, o Júcar...e os seus afluentes...o Sil, o Alberche(cando me olvidaba deste o profe dicíame que pensase en meu irmán, jaja) , o Jabalón, o Cabriel... Pero creo que o mellor que nos ensinou foi a ser persoas.

Dende que deixei o colexio (en fin, xa fai ben anos), atopeino nalgunha ocasión...seguía sendo a mesma boa persoa de sempre.

Onte no correo de XSG recibín un mail de él. Atopou no youtube o vídeo co discurso do pasado congreso do PSdeG-PSOE coa intervención que fixen ó principio do mesmo...e escribiume para felicitarme e, entre outras cousas, para decirme que se alegraba moito de que seguise sendo, en esencia, a mesma á quen él lle dou clase un día.

Non podo explicarvos como me sentín. Ben, por suposto. Pero sobre todo emocionada. Que o profe, O PROFE, se sinta orgulloso de ti...fai que, aínda que só sexa por un momento, sintas que estás facendo as cousas ben, que non estás defraudando a aqueles que te coñecen ou te coñeceron de verdade....

Ter o visto bo do profe fai que te sintas orgullosa, máis aínda se cabe, de defender uns ideais...fai que te reafirmes na loita que emprendeches hai xa tempo.


Gracias profe, espero non defraudarte nunca.

30.1.09



No blog de Xaime poderedes velo mellor, é obra súa. Magnífica, como sempre.

18.1.09

Santiago Carrillo


A Santiago, 


...al que fuma los pitillos franceses que le compra su yerno


... al que narra los momentos que cambiaron la historia de este país como si él sólo pasase por allí, con la humildad de los valientes, 


...al que no pretende dar lecciones de nada, aunque podría darlas de casi todo


...a la historia viva de este país


FELICIDADES en su 94 cumpleaños.

15.1.09

O Presidente


Unha imaxe vale máis que mil palabras. Esta é a imaxe do cambio, da estabilidade, da confianza. Esta é a imaxe do mellor para Galicia.

8.1.09

O do BNG non ten remedio


En 1995 Rivera Arnoso, alcalde de Fene naquel tempo, encargou un proxecto de obra para o Parque Castelao de Fene a unha empresa. Posteriormente contratoulle a execución dese proxecto máis a xefatura de obra a esa mesma empresa. Tiña unha subvención da Consellería de Presidencia de preto de 90.000 € para executar esas obras.

Ben, rematou o prazo para xustificar a subvención e o alcalde, aínda sen rematar a obra, certificou o gasto completo, cando se executaran apenas 30.000€. A obra permaneceu sen executar todos estos anos. 

En xuño do 2007, Iván Puentes, do PSdeG-PSOE, accedeu á alcaldía e empezou a gobernar en coalición co BNG. En setembro decidíu rematar a obra, e foi cando o enxeñeiro municipal lle informou de que as fases anteriores estaban sen rematar. Isto deu lugar a un informe da Secretaría Municipal poñendo en coñecemento do alcalde que debería presentar unha denuncia contra o anterior rexedor por certificar unha obra sen executar ou corría o risco de ser acusado de encubrimento. O Alcalde, en cumprimento da legalidade así o fixo.

E así chegamos ata o día de hoxe. En pasados días os medios de comunicación publicaban que o Fiscal citaba a declarar a Rivera Arnoso por este tema, sendo a súa actuación susceptible de delito(s). O ex rexedor confirmou que efectivamente certificou a obra sen executar para non perder a subvención. (Moi loable que non queira perder os cartos, pero nada legal, dende logo).

Ben, pois onte escoitaba ó portavoz do BNG de Fene, Manuel Polo, que acusaba ó actual alcalde, ó que él votou e co que goberna en coalición, do seguinte:

-  de revanchismo político.
E digo eu, o actual alcalde debe respetar a legalidade ou dedicarse a encubrir os chanchullos do anterior?

 - de tecer unha cortina de fume sobre a súa incapacidade para gobernar.
E digo eu, si ten incapacidade para gobernar como é que o BNG de Fene o apoiou non só na investidura senón ó longo destes case dous anos de goberno?

 - de terse dedicado a denunciar ó anterior alcalde en lugar de rematar a obra obxecto da denuncia.
Para min esto último é o máis surrealista de todo. Estos señores do BNG, que gobernaron 28 anos en Fene, tiveron dendo o ano 95 ata o 2007 para rematar a obra que certificaron de xeito ilegal e non o fixeron. E pretenden cargarlle agora o morto a Iván Puentes, cando eles non o fixeron en 12 anos? Tendo en conta ademáis que o rexedor socialista, só 4 meses despois de acceder á alcaldía iniciou as actuacións para rematar a obra, momento no que o enxeñeiro pon no seu coñecemento todo o que máis arriba se relata. Así que non só pretenden cargarlle o morto senón que por enriba minten escandalosamente.

Aínda hai outra cousa máis, o BNG de Fene pide unha comisión de investigación por supostas irregularidades do actual alcalde!!!! por non ter rematado a obra. A verdade é que máis chapuceiros non poden ser. O asunto está sendo investigado pola Fiscalía, que coño de comisión de investigación é necesaria? (e perdoade polo taco, pero é que me sublevan este tipo de actuacións torticeiras e que pretenden desviar a atención).

Ai estos do BNG! Tanto purismo e acaban nos Tribunais! E logo pretenden darlle leccións ó resto do mundo... 

Xa o di o refrán...Meteuse o demo a predicador!

7.1.09

Atlético de Madrid 1- Messi 3




Non son unha gran aficionada ó fútbol.

Pero con Messi chegou un dios que fai que mereza a pena ver algún partido.

Noraboa Messi. Gracias por devolvernos un bo fútbol