Vai de ensino...

"Quen abre as portas dunha escola pecha unha prisión"

[Víctor Hugo]

"Educade ós nenos e non será necesario castigar ós homes"

[Pitágoras]

"Cando o aprendido se olvida queda a educación"

Moita cara!

Profesores interinos e sustitutos convocan unha folga indefinida dende o próximo mes de abril. O motivo: esixirlle garantías á Xunta de Galicia de que non perderán o seu emprego no caso de suspender o exame da oposición que se celebrará este ano.

Sí, sí...eu quedei con cara de parva cando o lin, pero é totalmente certo. E digo eu, aínda a risco de ser políticamente incorrecta, cómo se pode ter tanta jeta????

Resulta que hai persoas que se presentan a unha oposición, suspenden, e entran nunhas listas para facer sustitucións. Por facer sustitución vas acumulando puntos que che permiten seguir facendo sustitucións ata que aprobes o exame. Mesmo unha persoa que teña feito sustitucións un ano, aínda que sacara moi mala nota no exame, sustituirá antes que calquera outra que teña aprobado o exame pero non teña praza de calquera ano posterior. Supoño que xa dende o principio, dende este principio que acabo de comentar, o sistema está viciado.

Pois ben, agora veñen os que se presentaron ó exame unha vez, ou varias, que non aprobaron na vida, pero que sin embargo levan ganando cartos moitos anos facendo interinidades e sustitucións, a dicirnos que a Administración lles ten que garantir que AÍNDA QUE SUSPENDAN NON PERDERÁN O SEU TRABALLO!!! Máis ou menos como na empresa privada, vamos...

Xuraría que na Constitución di que o acceso á función pública debe rexirse polos principos de mérito e capacidade. Debe ser que algúns non a viron diante, e iso que teóricamente hai que estudiala para todas as oposicións;-)

E digo eu, manda carallo o que hai que escoitar!